Шемарчу тIамехь дакъалаьцна ааьлла кхеле озийна Нохчийчохь 22 шо долу Мажаев СаьIид. Нагахь иза бехке хилар тIечIагIдахь цунна 10 шо хан тоха мега.
Your browser doesn’t support HTML5
ТIом хоржуш "гIалатваьлла" стаг жоьпе озийна Нохчийчохь
Кху деношкахь Соьлж-ГIаларчу кхелехь листа долош ду меттигерчу вахархочуьнан Мажаев СаьIидан гIуллакх. 22 долу и жима стаг бехке веш ву Шемахь гIаттамхойн агIор тIамехь дакъалацарна. Мажаев СаьIида Шемахь цхьа шо хан яьккхина. Гарехь, ша лелочунна дохко а ваьлла Туркойн махкахула цIа вирзина иза. «Кхечу пачхьалкхехь, низамехь йоцучу герзашца кечийнчу тобанна юккъахь Оьрсийчоьнна зене йолчу агIор дакъалацар» аьлла хIокху тамашийначу артикалца чуволла хьийзош ву и жима стаг.