Султанов Ахьмад

Автор Султанов Ахьмад

• ГIадужу-бутт 04, 2012

  ГIалгIайн а, нохчийн а дозанехь дIахьoш ю тIеман операци

  Официалан хаамашца Даьттах цIе йолчу эвлан йистерачу хуьнхахь хиллачу тIематасадаларехь 4 полисхо вийна, кхин а 2 лазийна.

• ГIадужу-бутт 03, 2012

  Кхераме ду нохчашна Оьрсийчоьнан эскарехь гIуллакх дан

  Нохчийн кегийра нах Оьрсийчоьнан эскаре ца бигаран, цхьаннах а къайле а йоцуш, бахьана ду пачхьалкхехь къаьмнийн юкъметтигаш шо шаре мел долу а телхина йогIуш хилар.

• ГIадужу-бутт 02, 2012

  Нохчашна дин хьоьхур ду serdce-chechni.ru тIехь

  Цхьа бутт сов хан ю, Нохчийчохь мел йолчу Iедалан урхаллана а, министраллана а, кIоштан администрацина а, интернехь сайташ кхоллар а, царна тIехь, шаьш бечу балхах лаьцна яздар а, тIедожийна

• Гезгмашин-бутт 25, 2012

  YouTube дΙакъевлина Нохчийчохь

  Дехий-доций а ца дуьйцуш, Прокуратуро декхаре а дина, дIакъевлина Нохчийчохь интернетерчу Ютюбах а, Гуглах а пайда оьцуш, царна чувахар. Дукхаъчу наха къобал а дина иза, махкахь интернет латтаен компанеш дуьхьал хиллехь а. Амма цхьаболчу говзанчаша, динчу дехкарша цхьа а тайпа новкъарло ца йо, боху, оцу сайтех пайда эца луучарна.

• Гезгмашин-бутт 24, 2012

  Муртазалиева Зараъ: Нохчо хилар бара сан бехк

  Оьрсийчохь бехказа чубоьхкинчу нахах лаьцна евзаш йолчу журналиста Светова Зояс яздина тептар довзаре даьккхина Соьлж-ГΙалахь. Доккхачу декъанна цу тΙехь дуьйцу, бехк-гуьнахь а доцуш, набахтехь 8 шо ах шо такхийтинчу нохчийн йоIах Муртазалиева Зараах лаьцна. Цуьнца доьзна Маршо Радионо массех хаттар дира шега Муртазалиевага.

• Гезгмашин-бутт 21, 2012

  Виъ тIемало вийна Нохчийчохь

  ТIемалой лохуш леррина операци дIаяьхьна Нохчийчохь. Цу республикан куьйгалхочо Кадыров Рамзана хаам бина журналисташка, 4 тIемало вийна шаьш аьлла. Вежарийн ГакаевгIеран тобанера 4 тIемало вен аьтто баьлла бохуш, хаамаш баржабо официалан хьосташа. Оцу тIеман тасадаларехь 2 полисхо а вен аьтто баьлла гоне кхаьчначу тIемалойн.

• Гезгмашин-бутт 20, 2012

  Сипсу-ГIалахь хиллачо юха а эгIийна Кадыров а, Евкуров а

  ГIалгIайчохь Сипсу-ГIалахь вийна 5 тIемало бахьана долуш, юха а цакхетамаш лилхина ГIалгIайчоьнан а, Нохчийчоьнан а куьйгалхошна юкъахь. ХIораммо а иза шайн болх бу бохуш чIагIдо.

• Гезгмашин-бутт 19, 2012

  "Грознера" маца кхочур ду вай "Соьлж-ГIала"?

  Туван а, Хакасин а куьйгалхоша сацам бина шайн гIалийн а, яртийн а цIераш, оьрсийн маттахь хилла ца Iаш, шайн къаьмнийн меттанашкахь а язъян. Цу хеннахь, Тувахь алсам берш меттигера бахархой бу, оьрсийн мотт дIоггара хууш боцу. Амма Хакасехь мелхо а оьрсий алсам бу, ткъа хакасийн меттан хьехархой кIезиг бу. Муха ду цу хьокъехь хьал Нохчийчохь?

• Гезгмашин-бутт 18, 2012

  Дагестанерчу бахархошна орцахваьлла Нохчийчура омбудсмен

  Таьхьарчу хенахь Нохчийчурчу Iедалшка гIо доьхуш болу нах алсамбевлла Дагестанехь. Некъаца халонаш хьоьгуш хилар сов, Iедалша цхьацца харцонаш лелайо шайца бохуш, латкъамаш беш бу къаьсттина Хасавюрт-кIоштара бахархой.

• Гезгмашин-бутт 17, 2012

  Бахархой летта Ростох-кIоштарчу Ремонтное-эвлахь

  Ростох-кIоштIахь Ремонтное цIе йолчу эвлахь, къаьмнашна юкъахь цабезам хилар бахьана долуш, тасадаларш хилла. Леттарш бу Дагестанера а, Нохчийчура а схьабевлла нах а, меттигера бахархой а.

• Гезгмашин-бутт 15, 2012

  "Терк" а тоьлла, Боярскийна мекхаш а дисина

  Хазахетар кхаьчна нохчийн футболан тобан «Теркан» ловзарш тидамехь кхобучу нахе. Петарбухахь меттигера «Зенит» эшорца шен лигехь хьалхарчу метте яьлла иза. Оцу хазахетарца цхьаьна матчо кхоьллина беламе хΙуманаш а. Масала, эшаръалархочун Боярский Михаилан мекхашна тΙебоьжна кхерам...

• Гезгмашин-бутт 14, 2012

  ТIемаш бу Таршхойн лаьмнашкахь боьлхуш

  Официало беш хаамаш а боцуш, яккхий тоьпашца, авиацица хIаллакъеш ю гIаттамхой лоьхучу эскарша вайнехан лаьмнашкара хьаннаш. ГIалгIайчуьрчу Даьттахна а, Муьжичена а гонаха бу Iедало нахана латтабе кхерам.

• Гезгмашин-бутт 13, 2012

  Путинна бакъонашларъярхой лохуш бу нах

  Оьрсийчоьнан президентан адамийн бакъонашкахула йолчу кхеташоне керла декъашхой къастош бу нах интернетехула кхаьжнаш тасарца. Оцу кепо оьшшу векалш схьакъастор а бу шена аьлла хета Кремлна. Къилбаседа Кавказехь оцу "харжамашкахь" цкъачунна уггаре йоккха рейтинг ю гIалгIайн кандидатан Муцольгов Мохьмадан. ХIун ду цуьнан бахьана, теллира Маршо Радионо.

• Гезгмашин-бутт 10, 2012

  Читигов Зелимхин чалтачашна ен кхел йоьрзуш ю

  Къилбаседа Кавказехь ницкъахоша нахаца къизалла яллор бехке деш цхьа наггахь а ца гΙаттадо Ιедалша дов. ГΙалгΙайчохь нохчо Читигов Зелимха полисхоша бехк-гуьнахь а доцуш лаьцна, хьийзор толлуш гIуллакх ду кхело луьстуш. Ткъа дахдина и дерзор, бехке вечу шина полисхочо Нальгиевс а, Гулиевс а хьийзийнарг цхьа Читигов хилла Iаш воцун дела. Оцу юкъанна бехке вечу шиннах цхьаъ 15 денна лаьцна Несарахь полицино.

• Гезгмашин-бутт 07, 2012

  Муьлш бу нохчашца болх къуьйсурш?

  Къилбаседа Кавказехь, ерриге а Оьрсийчохь санна, хIора шарахь алсам долуш ду белхан мигрантийн терахь. Нохчийчохь, Iедалша официалан кепара бакъо елла болх беш 100 сов бен стаг вацахь а, уьш эзарнашкахь бу бохуш, тоьшаллаш до бахархоша. Царах цхьаболчара латкъамаш бо, уьш дукха хилар бахьана долуш, шайна болх ца кхочу бохуш.

• Гезгмашин-бутт 06, 2012

  Даздарш хилла Соьлж-гIалахь

  1991-чу шарахь Гезгмашин-беттан 6-чу дийнахь, «Бархатан революции» олуш болу, Iедалан карчам хилира Нохч-ГIалгIайн республикехь. Оцу дийнахь нохчийн къоман конгрессан агIончаш шайн караийцира Iедалан архаш.

• Гезгмашин-бутт 05, 2012

  Къасто эшахь, бертахь къасто деза доза

  Шинарийн дийнахь министрийн кабинетан кхеташо дIахьуш Кадыров Рамзана дIахьедар дина Сунжа-кIошт а, МалгIобек-кIоштан дакъа а Нохчийчоьнан территори хилар гойтуш долу документаш ду аьлла.

• Гезгмашин-бутт 03, 2012

  Школашкахь керла дешаран бакъонаш хир ю Нохчийчохь

  Кху беттан хьалхарчу дийнахь дуьйна цхьацца дешаран бакъонаш юкъаяьхна Нохчийчохь. Уггара хьалха иза хьакхалуш ду дешархойн духарх. Цул сов берашна дихкина ду школехь мобилан телефонех пайда эцар. Цу гIуллакхах пайда хир бу аьлла, хета меттигерчу дешаран министраллана.

• Гезгмашин-бутт 01, 2012

  «Ирсечу» гΙалин ирс доцу бахархой

  Советан Ιедал доьхча бухайисинчу Оьрсийчохь ирс доьхна гΙала муьлхарг ю, аьлча, сихха цΙе яккха тарлучу Соьлж-ГΙалех хΙинца уггаре дукха ирсах ехьа гΙала хилла, деношкахь шен талламаш бовзийтинчу Ньюс-Эффектор цΙе йолчу мониторинган агенталло бахарехь. Нохчийн къоман вуно доккха дакъа, бомбанашца, кхузаман еза-яккхий тоьпашца хΙаллак а деш, цкъа лаьттах дΙа а шарйина, юхакхоьллинчу гΙалин бахархойн ирс Маршо Радионо а теллира.

• Марсхьокху-бутт 29, 2012

  Кадыровс а, Евкуровс а вайнехан барт бохош бу, наха бахарехь

  Кадыров Рамзанан а, Евкуров Юнус-Бекан а даьллачу девнан тΙаьхье къомана зуламе яла тарло, аьлла, хета вайнахана. Маршо Радиоца къамел динчу гΙалгΙаша а, нохчаша а билгалдоккху, хΙинццалц санна, лаьттанаш юкъа дозанаш а ца детташ, ΙадΙийча бакъахьа хир дара шина мехкан куьйгалхой, бохуш.

Хьажа кхин дIа а