Султанов Ахьмад

Автор Султанов Ахьмад

• Стигалкъекъа-бутт 18, 2012

  Кхин а цхьа жима стаг вайна Нохчийчохь

  ГIалгIайчоьнца дозанехь йолчу Эха-Борзехь вехаш волу 24 шо долу Магамаев Iийса ву меттигерчу низамхоша лоьхуш верг.

• Стигалкъекъа-бутт 17, 2012

  Нохчийн Республикин Iедал балхара дохийна

  Нохчийчоьнан куьйгалхочо Кадыров Рамзана шен даржах дохийна еарин дийнахь республикин Iедал. Кадыровс динчу дIахьедарца, цо куьг таIийна цу хьокъехь долчу документана кIел.

• Стигалкъекъа-бутт 15, 2012

  "Кавказ" некъа тIехь хьийзабо Нохчийчуьра машенашлелорхой

  Соьлж-гIалахь хиллачу Къилбаседа Кавказерачу парламентийн ассамблеян конференцехь вист хуьлуш, масийтта хаттар айира Нохчийчоьнан куьйгалхочо Кадыров Рамзана. Церах цхьаъ дара «Кавказ» олучу федералан некъа тIехула дIасалелаш наха ловш йолчу халонашца доьзна. Некъан полицино нах хьийзабарна ша реза ца хилар хаийтира Нохчийчоьнан куьйгалхочо.

• Стигалкъекъа-бутт 14, 2012

  Иттаннаш миллионаш ахча лачкъийна Борзехь долчу эскаран декъехь

  Нохчийчохь ницкъаллийн структураш латто ахча кхоош дац Оьрсийчурча Iедалша. Цхьаболча цу ахчанна тIекхочийла йолчу наха цунах пайда оьцу, коррупци лелош. Иштта кху деношкахь кхеле озийна 3 эскархо ву, 114 миллион сом барамехь ахча лачкъийна, аьлла, бехке а вина.

• Стигалкъекъа-бутт 10, 2012

  Тезетан де дара Нохчийчохь

  Тезетан де Нохчийчохь белхан де санна дара. Амма иза новкъа ца хилира, ярташкахь сагIадаккха. Соьлж-гIалара болх бечу шина радио чохь а хезаш яцара самукъне эшарш. Цхьана радио тIехь дерриге а дийнахь зикарш а, нашидаш а дара. Вукху станцехь Даймахке безам хестор дара коьрте диллина. Наггахь. шинна а станцехь программаш яра, нохчаша, ширачу а, керлачу а исторехь лайна баланаш а, царех къам хьалхадаьккхинчарах а лаьцна.

• Охан-бутт 27, 2012

  РогIера тIеIаткъам ловш бу ГIалгIайчура нохчийн мухIажарш

  ХIора шарахь цу тайпа Iаткъам шайна тIехь беш хиларна, боьлла ГIалгIайн махкахь болу нохчийн мухIажарш. Кхаарин дийнахь, Карабулак гIалахь йолчу «Промжилбаза» олучу кертахь, мухIажарш болчу куьпе а баьхкина, и меттиг мокъа яккха, аьлла, кхерамаш тийсина Iедалан векалша.

• Охан-бутт 25, 2012

  Полицин болх шен тергонехь латтор бу лерринчу тобано

  Оьрсийчоьнан Талламан Комитета юккъе доьдуш хир ду и керла дакъа. Цуьнан коьрта болх хира бу низамхоша дина долу зуламаш таллар.

• Охан-бутт 23, 2012

  ТIематасадалар хилла Гуьмс-кIоштахь

  КIиран-дийнахь Гуьмс-кIоштахь полицин ши белхахо а вуьш, ши тIемало вийна шаьш, аьлла, хаам бира Нохчийчурча Iедалша. Цара дийцарехь, Герзель-аулехь вийнарг ву меттигера ши вахархо Бантаев Ахьмад а, Алхазов Бислан а. ТIематсадалар хиллачу меттигана таллам беш, цаьршимма герз а, кхин долу тIаманна оьшург а латтош йолу меттиг карийн шайна бохуш чIагIдо Iедалша.

• Охан-бутт 21, 2012

  ХIун мачаш лелайо Нохчийчохь?

  Шуьйра тIемаш дIабевллачул тIаьхьа Нохчийчу цIабирзинчу бахархойн, хууш ма-хиллара, халонаш ю балха дIанисбаларца. Амма цуьнга хьаьжна доцуш, шайн говзаллица доьзна а, я керла говзалла караерзийна а, цхьа гIуллакх долон хьовсу уьш. Иштта, мачаш еш цхьа фирма ю республикехь болх беш.

• Охан-бутт 20, 2012

  Къилбаседа Федерала гуонан куьйгалхочун гIовс хIотта там бу Байсултанов Одес

  Нохчийчоьнан премьер-министр Байсултанов Одес балхара дIаваьккхина республикан куьйгалхочо Кадыров Рамзана. Еарин дийнахь дуьйна иза балхахь лоруш вац. ХIинца жигара дуьйцуш ду, Байсултанов Одес дехьавала мегачу белхан даржах лаьцна.

• Охан-бутт 19, 2012

  Болх боцуш 60-80% нах бу Нохчийн республикехь

  Вуно хала ду Нохчийчохь белхан меттиг карон. Болх боцчу нехан терахь Оьрсийчохь уггар а лекхачех ду. Балха дIахIотта цхьа а аьтто бац таханлерчу дийнахь, шортта хьаькаме дIакховдон ахча дацахь а, я гергара стаг лакхарчу даржехь вацахь а. Болх ца карош бала хьоьгучу а, эххар иза карийначу а нахаца къамел дира Султанов Ахьмада.

• Охан-бутт 17, 2012

  ГIалгIайн оппозици юха а арайолуш ю

  БIаьсте тIеярца цхьаьна ГIалгIайн махкахь жигара йолу меттигера оппозици. Бутт чекхбала масех де дисинчу хенахь, цара дIакхайкхийна, нехан бакъонаш йохорна дуьхьала йолу мехкан митинг.

• Охан-бутт 16, 2012

  Нохчийчура контр-терроран операци официала кепара ерзийна 3 шо кхаьчна

  Нохчийчохь шуьйра даздаршца билгалдаьккхина терроран дуьхьала олуш йолу операци официала кепара сацоран 3 шо кхачар. Республикин кIошташкахь а, коьртачу гIалахь а дIадаьхьначу даздаршкахь хастам бира мехка куьйгалхочунна. Ткъа могIарера бахархой хIинца а баккхий беш бу, Контр-терроран операци олуш хилла и Iазап шайна тIера даккхарх.

• Охан-бутт 13, 2012

  Динозавран хIоаш карийначух тера ду Шаройн лаьмнашкахь

  Шаройн къоштарчу ХIимой юьртана гергарчу лаьмнийн чхарнашца дохкуш, миллионаш шерашкахь шайх тIулгаш а хилла, динозавран хIоаш карийна географин талламаш беш Нохчийн университетерчу тобанна. Тобан коьртехь хиллачу Iилманчица къамел дира Маршо Радионо.

• Охан-бутт 09, 2012

  Итт дийнахь ткъа сов стаг вийна тIематасадаларшкахь

  Оханан бутт болабелча дуьйна схьа, хIокху дийне кхаччалц? регионехь цхьацца тIематасадаларшкахь а, низамхоша дIахьочу операцешкахь а зе хилла 28 стагна. Царех 22 вийна, ялх цхьацца чевнаш а хилла лазийна. Байинчарна юккъахь, Iедало ма-баххара, 18 тIемало хилар шеконе дуьллу нах а бу.

• Охан-бутт 05, 2012

  Бала тIех сов базбелча

  Нохчийн а, бусулба динехь а, иза къилахь а, эхье а лоруш хIума ду. Хууш дерг ду, иза шен кертахь, рагIун кIеллахь коьртахь лелочу йовлакх тIехь ирх оллаелла лулахошна карийнийла хилар.

• Охан-бутт 03, 2012

  Бозбунчаллаш лелийна Iедалхой лецна ГIалгIайчохь

  Дуьххьара мехкан пенсийн фондан коьртехь берш низамхоша лаьцча, хьалхе иза хIунда ца дина, бохуш, хеттара могIарерачу бахархоша. Цхьаннах а лачкъийна дацара нанойн капитал олучу сертификаташца Iедал а, наной а Iехош хIума лелош хилар.

• Зазадоккху-бутт 30, 2012

  Там-мах беш, Нохчийчохь юкъадаьккхинчух масал оьцуш ю ГIалгIайчоь

  ГIалгIайн махкахь тергоне эцна тIеэцначу иммунодефицитан синдром олуш йолу цамгар шуьйра яьржаш хилар. Дукха хьолахь, лоьрийн гIалатах я цIий дуттуш йолу и цамгар. Керла болийначу доьзалехь и цамгар цхьаннен юй ца хааро, кхин цхьа стаг цомгуш во. Кхин цхьа тайпа ду иза яржош – наркотикех пайда оьцурш. Юкъараллина зуламе даьлла и гIуллакх сацон Iалашонца, ладаме гIулчаш дагахь ю гIалгIайн Iедал. Нохчийчохь санна, маре йоьдучуо а, зуда ялочуо а тоьшаллаш дала дезар ду мах бечу имаме, шаьш могуш хиларн тIечIагIдеш долу.

• Зазадоккху-бутт 27, 2012

  Берзлой юхайирзина Нохчийчу

  Нохчийчохь жигара тIемаш боьлхучу хенахь, акхаройн проблема дIаяьллера, амма хIинца гуш ду иза ханна хIума хиллийла. Дукха яьрташкахь, хIокху шина-кхаа шарахь дукха яьржина берзлой. Шийла деанчу хIокху шеран IаьнтIехь, уьш яьрташкахь а гучуйоьвла меттигаш ю.

• Зазадоккху-бутт 24, 2012

  Оьрсий Нохчийчу юхаберзо дагахь ду Iедалш

  Оьрсийн къомах болу нах цIаберзорехь хьалхара регион хила еза Къилбаседа Кавказ, аьлла, дIахьедар дира кху деношкахь Оьрсийчоьнан регионаш кхиоран министраллан куьйгалхочо Басаргин Виктора. Цо дийцарехь, цу хьокъехь дехарш дина ГIалгIайчоьнан а, Нохчийчоьнан а куьйгалхоша. Басаргина бахарехь, цигарчу Iедалша леррина программаш кечйина оьрсийн къомах болу нах шайн республикашкахь орамаш а хецна, чIагIбалийтар Iалашонца.

Хьажа кхин дIа а